BUSINESS TIME

საინფორმაციო სააგენტო

ხვალ ათენიდან Wizz Air სარეპატრიაციო რეისს განახორციელებს

28 ივლისს, ქუთაისის საერთაშორისო აეროპორტში ათენი-ქუთაისი-ათენის მიმართულებით სპეციალური რეისი შესრულდება. (მოფრენა - 15:10 საათზე, გაფრენა 0 15:40 საათზე).
 
როგორც WWW.BUSINESSTIME.GE-ის აეროპორტების გაერთიანებიდან აცნობეს, სარეპატრიაციო რეისს უნგრული დაბალბიუჯეტიანი ავიაკომპანია Wizz Air შეასრულებს.
 
აღსანიშნავია, რომ ორივე მიმართულებით ყველა ბილეთია გაყიდულია. ქუთაისის აეროპორტში ჩამოსვლისთანავე მგზავრები შემოწმებას გაივლიან და აეროპორტის ოფიციალური გადამყვანი ავტობუსებით საკარანტინო სივრცეებში გადაიყვანენ.
 
"ათენი-ქუთაისი-ათენის მგზავრებს აეროპორტის ოფიციალური გადამყვანი კომპანიები Georgian Bus და Omnibus Express მოემსახურებიან. ქუთაისიდან ათენში მიმავალმა მგზავრებმა საბერძნეთის მთავრობის მიერ დაწესებული მოთხოვნა უნდა გაითვალისწინონ. კერძოდ, ათენში გამგზავრებამდე სავალდებულოა, მგზავრებმა შეავსონ სპეციალური PLF ფორმა ვებგვერდზე https://travel.gov.gr/.
 
შევსების შემდეგ ელექტრონული PLF ფორმა ავტომატურად გაიგზავნება მგზავრის ელ.ფოსტაზე, რომელიც მან ავიარეისის შესრულებამდე უნდა წარადგინოს", - ნათქვამია აეროპორტების გაერთიანების ინფორმაციაში
175