თბილისის სატრანსპორტო კომპანია ავტობუსის გაჩერების საინფორმაციო ელექტრონულ ტაბლოებს ყიდულობს. შესაბამისი ტენდერი უკვე დასრულებულია და გამარჯვებული ერთადერთი მონაწილე კომპანია შპს "ქართული მიკროელექტრონიკაა".
კომპანია დედაქალაქისთვის 250 ტაბლოს 1 391 500 ლარად უზრუნველყოფს. ტაბლოები გამარჯვებულმა ხელშეკრულების გაფორმებიდან, ეტაპობრივად სამი თვის განმავლობაში უნდა მიაწოდოს.
