2025 წლის იანვარ-მაისში, საქართველოში კიტრის იმპორტი 43.21%-ით გაიზარდა. ამის შესახებ „საქსტატის“ მონაცემებიდან ვიგებთ.
აღსანიშნავია, რომ ქვეყანა კიტრის 91.94%-ს თურქეთში ყიდულობს, სიაში ასევე არიან ირანი, აზერბაიჯანი, სომხეთი და ნიდერლანდები.
კიტრის იმპორტიორი ქვეყნები საქართველოში 2025 წლის იანვარ-მაისში:
თურქეთი - 6.406 მლნ აშშ დოლარი (9 125 ტონა);
ირანი - 518 600 აშშ დოლარი (1 046 ტონა);
სომხეთი - 31 000 აშშ დოლარი (64.5 ტონა);
აზერბაიჯანი - 10 200 აშშ დოლარი (12.2 ტონა);
ნიდერლანდები - 1 600 აშშ დოლარი (0.9 ტონა).
რაც შეეხება ადგილობრივ ექსპორტს, 2025 წლის იანვარ-მაისში საქართველომ 62 900 აშშ დოლარის კიტრი გაყიდა, რაც წლიურად 63.8%-იანი ზრდაა.
პირველ 5 თვეში გაყიდული კიტრის სრული ოდენობა გავიტანეთ სომხეთში - 62 900 აშშ დოლარის ღირებულების 79.9 ტონა კიტრი.
