საგარეო და უსაფრთხოების პოლიტიკის საკითხებში ევროკავშირის უმაღლესი წარმომადგენელის ჟოზეფ ბორელის განცხადებით, ევროკავშირის სანქციების ახალ პაკეტში იმ რუსული ბანკების რაოდენობა გაიზრდება, რომლებსაც SWIFT-ის სისტემიდან გათიშავენ.
“რაც შეეხება საბანკო სექტორს, უფრო მეტი რუსული ბანკი დატოვებს SWIFT-ის სისტემას”,-განაცხადა ბორელმა.
საუბარია რუსეთის წინააღმდეგ სანქციების მე-6 პაკეტზე, რომელზეც ევროკავშირი მუშაობს და რომელმაც უნდა მოიცვას რუსეთიდან ენერგოპროდუქტების იმპორტის აკრძალვის საკითხიც.
