თელ ავივის სამხრეთით, რიშონ ლეციონში, საცხოვრებელ სახლებთან ახლოს მიტანილი სარაკეტო იერიშის შედეგად ერთი ადამიანი დაიღუპა და 20-ზე მეტი დაშავდა.
როგორც ადგილობრივი მედია წერს, ნანგრევების ქვეშ შესაძლოა, კვლავ ადამიანები რჩებოდნენ. ადგილზე სამაშველო ოპერაცია მიმდინარეობს.
ამასთან, ერთი ადამიანი დაიღუპა თელ ავივთან ახლოს, რამატ განში, დაახლოებით 40 კი დაშავდა.
პარალელურად ირანში, ისრაელის დარტყმების შედეგად, სულ მცირე, 78 ადამიანი დაიღუპა, მათ შორის მაღალი რანგის სამხედრო პირები, 320-ზე მეტი კი დაშავდა.
