თბილისის მეტროში „კაცები შავებში“ იგინებიან, იმუქრებიან და ძალადობას ავრცელებენ, - ამის შესახებ საქართველოს პრეზიდენტი, სალომე ზურაბიშვილი სოციალურ ქსელში წერს.
„თბილისის მეტროში „კაცები შავებში“ იგინებიან, იმუქრებიან და ძალადობას ავრცელებენ. მოქალაქეების დასაცავად არც პოლიცია და არც სამართალდამცავები არიან!“, - წერს საქართველოს პრეზიდენტი.
არსებული ინფორმაციით, რუსთაველის გამზირზე "თბილისი მერიოტის" მიმდებარედ ერთ-ერთ კაფეში ე.წ. "ტიტუშკები" ხალხს უსწორდებოდნენ, პოლიცია კი მათ იცავდა.
პოლიციამ ისინი მანქანაში ჩასვა და სიტუაციას განარიდა. შინაგან საქმეთა სამინისტროს თანამშრომლები არ ამბობენ დააკავეს თუ არა ეს ადამიანები.
