tuyap
ავერსი ალუტექ ჯორჯია
ხვიჩა კვარაცხელიამ „ნაპოლის“ გულშემატკივრების სიყვარული სწრაფად მოიპოვა, ხოლო ბიზნესმა ქართველი ფეხბურთელის პოპულარობა შემოსავლის ახალ წყაროდ აქცია – იტალიური გამოცემა areanapoli-ის ცნობით, სათამაშოების მწარმოებელმა ცნობილმა კომპანია „ლეგომ“ ქართველის ფიგურა დაამზადა.
„კვარაცხელია სერია A-ს მიმდინარე ჩემპიონატის ერთ-ერთი ყველაზე მნიშვნელოვანი და მოულოდნელი აღმოჩენაა, რომელიც მალევე ჩამოყალიბდა, როგორც მაღალი კლასის სიმბოლო. მან „ნაპოლის“ ფანებს მალე შეაყვარა თავი.
lego kvaratskhelia 
ნეაპოლში მალევე დაამზადეს მისი მაისურები, დროშები, შარფები და სხვა წვრილმანები. სათამაშოების ცნობილმა კომპანია „ლეგომ“ კი ხვიჩას ფიგურა გამოუშვა, რომელმაც მალევე მიიპყრო ბავშვებისა და მოზარდების უდიდესი ყურადღება“, – წერს areanapoli.
დანიური კომპანია „ლეგო“ სათამაშო კონსტრუქტორებს აწარმოებს, რომელშიც შედის სხვადასხვა ფიგურები, ასევე მანქანების, თვითმფრინავების, გემების, შენობებისა და რობოტების მოდელები.
აწყობილი ფიგურა ადვილად იშლება და თავისუფლად არის შესაძლებელი ერთი და იმავე დეტალების გამოყენებით სხვადასხვა ფიგურების აწყობა. ასევე დიდი პოპულარობით სარგებლობს „ლეგოს“ გიგანტური პარკი, რომელშიც ქალაქების მინიატურული ვერსიებია წარმოდგენილი.
496