ინფექციური პათოლოგიის, შიდსის და კლინიკური იმუნოლოგიის ცენტრის გენერალურმა დირექტორმა თენგიზ ცერცვაძემ „პირველი არხის“ ეთერში ეპიდემიაზე და ქვეყანაში მოცირკულარე შტამებზე ვრცლად ისაუბრა.
როგორც ცერცვაძემ აღნიშნა, ქვეყანაში გავრცელებული დომინანტი შტამი „სტელს-ომიკრონი“ გავრცელების სისწრაფით გამოირჩევა.
„სტელს-ომიკრონი“ იმდენად განსხვავდება „ომიკრონისგან, რომ ფაქტობრივად, სხვა შტამია. ქვეშტამია, მაგრამ მაინც სხვა შტამია. ვისაც „ომიკრონი“ დაემართა, ის შეიძლება, „სტელს-ომიკრონით“ დაინფიცირდეს, მაგრამ ვინც „სტელს-ომიკრონი“ გადაიტანა, ის „ომიკრონით“ არ დაინფიცირდება, ან ძალიან იშვიათად დაინფიცირდება. საქართველოში ახლა სჭარბობს „სტელს-ომიკრონი“ და არა „ომიკრონი“, ეს ყველამ იცოდეს. „სტელს-ომიკრონი“ არის ერთ-ნახევარჯერ უფრო გადამდები, ვიდრე „ომიკრონი“. ფაქტობრივად, „სტელს-ომიკრონი“ ეს არის მთელი ისტორიის მანძილზე არსებული ყველაზე გადამდები შტამი. რაც შეეხება სიმძიმეს, ის ისეთივე სიმძიმის დაავადებას იწვევს, როგორსაც „ომიკრონი“, - აღნიშნავს ინფექციური პათოლოგიის, შიდსის და კლინიკური იმუნოლოგიის ცენტრის გენერალური დირექტორი.
