საქართველოს ტურიზმის ეროვნული ადმინისტრაცია ინდოეთში, ნიუ დელიში SATTE (South Asia’s Travel & Tourism Exchange) 2024 საერთაშორისო ტურისტულ გამოფენაში მონაწილეობს.
ტურიზმის ეროვნული ადმინისტრაციის ცნობით, აზიის ერთ ერთ უდიდეს ტურისტულ გამოფენაზე საქართველოს ტურიზმის ეროვნულ ადმინისტრაციასთან ერთად 28 სახელმწიფო ორგანიზაცია, ტურისტული კომპანია და სასტუმროა წარდგენილი.
„გამოფენის ფარგლებში საქართველოს სტენდთან სტუმრებს საშუალება აქვთ, საქართველოს ტურისტულ მიმართულებას გაეცნონ.
საერთაშორისო ტურისტულ გამოფენას SATTE 50-ზე მეტი ქვეყნიდან 1 200-ზე მეტი ტურისტული კომპანია და ორგანიზაცია ესწრება. გამოფენას 35 ათასზე მეტი ვიზიტორი ჰყავს“, – აღნიშნულია ინფორმაციაში.
