ევროპულმა საბჭომ, ურსულა ფონ დერ ლაიენის ხელმძღვანელობით, ევროკომისიის ახალი შემადგენლობა დაამტკიცა. ის უფლებამოსილების შესრულებას პირველი დეკემბრიდან შეუდგება.
ვერავინ მოიგებს სავაჭრო ომს, – ასე პასუხობს ვაშინგტონში ჩინეთის საელჩო ჩინურ საქონელზე ტარიფების დაწესების შესახებ აშშ-ის არჩეული პრეზიდენტის დონალდ ტრამპის მუქარას.
გერმანიის კანცლერის განცხადებით, ვლადიმერ პუტინთან სატელეფონო საუბრები სასიამოვნო არ არის, მაგრამ საჭიროა. ოლაფ შოლცმა ამის შესახებ გერმანულ მედიას უთხრა.
აშშ-ის არჩეულმა პრეზიდენტმა, დონალდ ტრამპმა პირობა დადო, რომ მექსიკიდან და კანადიდან იმპორტირებულ ყველა პროდუქტზე 25%-იანი ტარიფი დაწესდება, ჩინეთიდან იმპორტირებულ საქონელზე კი - 10%-იანი ტარიფი, - ინფორმაციას Reuters-ი ავრცელებს.
რუსეთის კურსკის ოლქში 11 000-ზე მეტი ჩრდილოკორეელი სამხედრო იმყოფება და მათ უკვე მიიღეს მონაწილეობა უკრაინის თავდაცვის ძალების წინააღმდეგ ბრძოლებში, – ამის შესახებ უკრაინის შეიარაღებული ძალების გენერალური შტაბის უფროსი ანატოლი ბარგილევიჩი აცხადებს.
თურქეთში უამინდობას მსხვერპლი მოჰყვა. თურქული მედიის ინფორმაციით, დიდთოვლობის გამო ჰეკიმჰანის რაიონში მწყემსები მთაში ჩაიკეტნენ, რომლებიც მოგვიანებით გამოიყვანეს, თუმცა ერთ-ერთი მათგანი საავადმყოფოში გადაყვანის შემდეგ დაიღუპა.
უკრაინამ რუსეთის კურსკის ოლქის ტერიტორიის 40%-ზე მეტი დაკარგა, რომელიც აგვისტოში მოულოდნელი შეჭრის შედეგად დაიკავა, რადგან რუსულმა ძალებმა კონტრშეტევების ტალღები მოაწყვეს, - ამის შესახებ ინფორმაციას Reuters-ი წყაროზე დაყრდნობით ავრცელებს, რომელიც უკრაინის გენერალურ შტაბის წარმომადგენელია.
რუსეთის საოკუპაციო ძალები უკრაინას დღეს დილიდან რაკეტებით უტევენ, - ინფორმაციას უკრაინული მედია ავრცელებს.
უკრაინამ პირველად დაბომბა რუსული ტერიტორია ბრიტანული Storm Shadow რაკეტებით. ამის შესახებ ინფორმაციას გამოცემა Bloomberg ერთ-ერთი დასავლური ქვეყნის მაღალჩინოსანზე დაყრდნობით ავრცელებს.
აშშ-ის პრეზიდენტმა, ჯო ბაიდენმა უკრაინისთვის ქვეითსაწინააღმდეგო ნაღმების გადაცემა დაამტკიცა, - ამის შესახებ ინფორმაციას სააგენტო Reuters-ი ამერიკელ ოფიციალურ პირზე დაყრდნობით ავრცელებს.
