რუსეთის დღევანდელი აგრესია არის აგრესია ჩვენი ღირებულებების მიმართ - თითოეულ დანგრეულ სახლს კიდევ ერთი სანქცია უნდა ემატებოდეს. ეს ბარბაროსული მიდგომა უკრაინის მიმართ მისაღები არ არის, - ამის შესახებ პოლონეთის პრემიერ-მინისტრმა, მათეუშ მორავიეცკიმ განაცხადა.
მინდა განვაცხადო, რომ არავინ სთხოვს საქართველოს მთავრობას, რომ დააწესოს ორმხრივი სანქციები, თუ მათ ამის გაკეთება არ სურთ და თუ ეს მათ ასე გადაწყვიტეს. ორმხრივი სანქციების დაწესება საქართველოს მთავრობის გადასაწყვეტია, - ამის შესახებ საქართველოში აშშ-ს ელჩმა კელი დეგნანმა განაცხადა.
საქართველოს პრემიერ-მინისტრი ირაკლი ღარიბაშვილი ბათუმში, დღეს, პოლონელ კოლეგას მატეუშ მორავიეცკის უმასპინძლებს.
რუსეთმა უკრაინაში შეჭრის გამო მისთვის დაწესებული სანქციების საპასუხოდ პერსონალური სანქციები დაუწესა აშშ-ის სახელმწიფო მდივან ენტონი ბლინკენს, თავდაცვის მდივან ლოიდ ოსტინს, აშშ-ის შეიარაღებული ძალების მეთაურთა გაერთიანებული კომიტეტის ხელმძღვანელ მარკ მილის, თეთრი სახლის პრესმდივანს და აშშ-ის ხელისუფლების სხვა მაღალჩინოსნებს.
პოლონეთის პრემიერ-მინისტრი მატეუშ მორავიეცკი და ვიცე-პრემიერი, ეროვნული უსაფრთხოებისა და თავდაცვის კომიტეტის თავმჯდომარე იაროსლავ კაჩინსკი, ჩეხეთის რესპუბლიკის პრემიერ-მინისტრ პეტრ ფიალასა და სლოვენიის პრემიერ-მინისტრ იანეზ იანშასთან ერთად, დღეს კიევში ჩადიან.
ბრიტანეთის პრემიერ-მინისტრ ბორის ჯონსონის განცხადებით, დასავლეთმა „საშინელი შეცდომა“ დაუშვა, როდესაც 2014 წელს პუტინს ყირიმის ანექსიის გამო „პასუხი არ მოსთხოვა“.
საქართველოს პრემიერ-მინისტრიმა ირაკლი ღარიბაშვილმა, სალომე ზურაბიშვილის საგარეო ვიზიტის შესახებ საუბრისას განაცხადა, რომ პრეზიდენტის ნებისმიერ შეხვედრა კონსტიტუციის მიხედვით, უნდა თანხმდებოდეს ქვეყნის მთავრობასთან.
ვიცე-პრემიერის, ეკონომიკისა და განვითარების მინისტრის ლევან დავითაშვილის ინფორმაციით, ამ ეტაპზე, საქართველოში ელექტროენერგიის მოწოდების პრობლემა არ დგას.
წინასწარი მონაცემებით, საქართველოში განხორციელებული პირდაპირი უცხოური ინვესტიციების მოცულობამ 2021 წელს 1 152.8 მლნ. აშშ დოლარი შეადგინა, რაც ორჯერ მეტია 2020 წლის დაზუსტებულ მონაცემებზე.
გარემოს დაცვისა და სოფლის მეურნეობის მინისტრი ოთარ შამუგია ღვინისა და ალკოჰოლური სასმელების მწარმოებლებს შეხვდა და დღეისათვის, დარგში არსებული გამოწვევები და საჭიროებები განიხილა.
