კიევის მატარებლის სადგურთან მისასვლელს მიტოვებული ავტომობილები ბლოკავენ.
ერთ-ერთი საუკეთესო მოიერიშე პილოტი, უკრაინელი პოლკოვნიკი ალექსანდრე ოქსანჩენკო დაიღუპა. პილოტი საჰაერო ბრძოლის დროს მტრის დარტყმას ემსხვერპლა.
უკრაინაში მშვიდობიანი მოქალაქეების გარდაცვალების და სამხედრო აგრესიის გამო, რომელიც საფრთხეს უქმნის ევროპის უსაფრთხოებას, ნავთობის გიგანტი Shell-ი ღრმა შეშფოთებას გამოთქვამს და აცხადებს, რომ რუსულ გაზპრომთან პარტნიორობას წყვეტს.
რუსეთის ბანკების ნაწილი SWIFT-დან გათიშეს - ევროკავშირი, აშშ და მოკავშირეები შეთანხმდნენ, რომ რამდენიმე რუსული ბანკის ნაწილი მთავარ საერთაშორისო გადახდის სისტემა Swift-ს ჩამოაშორონ.
რამდენიმე წუთის წინ კიევსა და ლვოვში საჰაერო თავდასხმები დაიწყო. ისმოდა აფეთქებების და სირენების ხმა. გაფრთხილება გამოცხადდა ტერნოპოლში, სუმში, ჩერნიგოვსა და ნიკოლაივში. ხალხს მოუწოდებენ სასწრაფოდ შეაფარონ თავი უახლოეს თავშესაფრებს.
